韓風、美味♪自家製泡菜

I♡Kimchi ((o(´∀｀)o)) Yeah~!!
攪左一朝終於整好正宗泡菜喇，仲有蘿蔔泡菜添(*´罒`*)

自己整嘅真係好味好多架 哈哈!!!


▼材料：大白菜1斤、蘿蔔1/2個、紅蘿蔔1個、洋蔥1/2個、蔥10棵、   蒜頭6粒、薑一舊、魚露2湯匙、醃蝦醬2湯匙、辣椒粉4湯匙、   辣椒醬1湯匙、梨1/2個、糖2湯匙


▼將大白菜一開二，中間位一刀，方便陣間醃醬料~   
   用水洗淨~!!


▼每層洒上薄薄一層鹽~


▼醃左30分鐘之後返一返佢，再醃多30分鐘~
   1小時之後大白菜就會排出多餘水份~


▼不斷用水沖洗，直至d菜冇咁鹹為止~(呢個步驟一定要試味!!)
    o岩味就揸乾水份~


▼將1/4杯糯米粉 + 1 1/2杯水用細火煮成糊狀，座凍水冷卻~
    呢個糯米糊就好似d膠水咁，可以將d醃料痴o係d菜度~
    醃出o黎o既泡菜發酵得更好、更入味 哈哈~


▼將洋蔥、蒜頭、彊、梨同魚露放入攪拌機打成漿~


▼打成咁o既樣~


▼將攤凍左o既糯米糊加入拌勻~


▼再加入辣椒粉及辣椒醬~


▼蔥切段、蘿蔔同紅蘿蔔刨絲~
   可以加埋韭菜，令整出o黎o既泡菜重口味 v(￣ε￣=)
   我唔記得買韭菜，所以冇加  哈哈~!!!


▼喜歡的，可以加入醃蝦醬~!!!
   有d人鐘意加醃左o既魷魚或者蠔，唔加亦都得~
   隨你喜歡ψ(￣▽￣)ψ


▼將所有蔥、蘿蔔、紅蘿蔔、醃蝦醬、糖同辣醬混合~


▼開始醃泡菜喇~(๑´ㅂ`๑)~
   將醃料搽o係每層菜~!!!


▼每一層搽好醃料之後放入膠盒，所有菜都整好之後就可以舖上
   保鮮紙，放入雪框，等佢發酵兩、三日或者一星期先食~


▼好似我咁為食等唔切!!!要趕住試食新鮮泡菜又得  哈哈~
   唔~Yummy!!

剩左d醃料唔好晒~!!!
將蘿蔔切粒用鹽醃出水，再撈埋落d醃料度
咁又可以做多款蘿蔔泡菜啦 哈哈(*＾ω＾*)